跟我住過的人都知道，我最鐘意‘dump野’，時不時就執一大袋物資出來，舊衫舊鞋舊文具舊化粧品舊電話舊叉電器....什麼都有!!!!有次我在度清理手提電話裡面的sms時，太子話：你就負責清野，我就負責儲野。哈哈，講得好呀，我個低能電話只能儲200個sms，爆左就會每十分鐘嘈一次，提我要去處理那些舊事，我都想部電話可以將sms儲在sim卡，但它唔曉都無法；我都想屋企有個天台有間房可以放好舊東西，但想買多對鞋都無位放的時候，只有買一對新的就‘dump’一對舊的。屋企，一共住了2個人，幾百尺單位之所以無位，是因為我鐘意‘儲野’多於‘dump’野。
爸爸昨晚過來替我翻高床板把冬天衫拿出來，大褸一件兩件三件，不過三件，竟然都放不下，媽媽說必須要清理衣櫃裡的小格子，而小格子裡盛載著的都是搬進來以後的小東西，記得要留念但又無法歸類的小東西，例如過期護照，過期的德圃火車票，媽媽送給我的附屬卡（己過期），大姑姐大姑丈一起給我的2封利是和大姑丈給我的1封利是，婆婆買的玉手握，存摺，首飾，什麼人某年某月給我的名片之類。結果又一大袋的清了出來，名片首飾，很多都不要了，有支別人送的香水沒噴過，因為味道太女人結果送了媽媽，媽媽說好‘清香’，起初知道是朋友送我不好意思，但她也明白我這個女，決定把它扔去就頭也不會回了。後來我拿起hermes香水，衷心希望它會找到處好人家，當初我貪慕虛榮買它回來，只不過想一賞在高級商店購物look卡比人招代的滋味，我並無愛它。然後媽媽說：橙香不錯呀!!!!!!
然後呢，媽媽開始坐在地上尋寶，我像在擺檔賣古懂一樣，她拿起一件就問故事，到最後她不斷拿在手的是一條頗污糟的電話繩，‘嘩，呢條野係咪好貴嫁？’‘咁污糦你都睇得出佢係貴野？’（媽媽係覺得一件恤衫二百蚊叫做貴的人，我話佢知g200而家都做緊呢個價，而佢已經係大部分人認為便宜的售賣點）‘係呀，要幾錢姐？’‘幾年前賣500而家唔知luu。’‘嘩!!!!5舊水買條咁ge gei野返黎，阿妹你一定係發過達!!’‘係人地發過，人地送ge’‘又係d垃圾佬牙？（所有舊男朋友都係媽媽心目中的垃圾佬）佢地成日買野比你嫁。呢個咩牌子黎嫁姐？’‘我去英國買左條格仔頸巾比你ge，咪果個牌子lor，你想要牙？拎去啦！’‘哎呀.....’‘係wor..你都無手提電話!!!當鎖鑰扣牙你打算？’(如果係梁思毅，應該會為左條電話繩買部電話，我覺得果刻媽媽真係有d梁思毅嫁!!!)
對於‘佢地成日買野比你嫁。’這件事，答案其實就在昨晚的垃圾袋裡，一張張發票，我看著，只感慨‘媽媽，這叫有來有往’。
媽媽問我：衣櫃下面的箱子載咩嫁？清埋佢啦，阻住d位呀。
我答：呢箱唔得，呢箱係d信黎嫁。
媽媽：乜有人寫信比你嫁咩？
我：係呀，仲有d生日卡聖誕卡咁啦...
除了字，箱裡頭頭還有很多無聊東西，燈龍都有2個，通通都不值錢的很便宜的，收起是因為別人力曾經經營過的一份心機一份心思，這個比起香水手繩更有價值。
我改了送很貴禮物的習慣，有時貴一點，也是因為打聽八方後知道它真的很好，有時是因為它很有意思。卻沒有再因為貪什麼富貴感覺而購物，或者因為搵錢原來真係辛苦，洗了錢到頭來我又要出力‘dump晒佢’，現在購物，是因為鐘意那件物件居多，我對得起我買回來的東西，不再儲收據了。
(閱讀全文)
